Վասիլի Կանդինսկի¨

    Վասիլի Կանդինսկին ծնվել է դեկտեմբերի16-ին 1866թ, Մոսկվայում, մահացել է դեկտեմբերի 13-ին 1944թ, Նոյի-Սյուր-Սենում, (Ֆրանսիա):Ռուս նկարիչ, գրաֆիկ, արվեստի տեսաբան, Աբստրակցիոնիզմի հիմնադիրներից։ Կանդինսկու հայրական ընտանիքը սիբիրից էր։ Իսկ մորական ընտանիքը Մոսկվայից էր։ Կանդինսկու առաջին մտադրությունը երաժիշտ դառնալն էր։ Բայց 20 տարեկանում ընդունվում է Մոսկվայի համալսարան` ուսանելու իրավունք և տնտեսագիտություն։ Այդ ընթացքում առաջին անգամ շփվում է հին ռուսկան արվեստի հետ։                            1895-ին, քսանինը տարեկանում Կանդինսկին առաին անգամ տեսնում է ֆրանսիացի իմպրեսիոնիստների մի ցուցահանդես, որն էլ վճռորոշ է լինում նրա կյանքում։ Նա թողնում է իրավաբանի մասնագիտությունը և մեկնում է Մյունխեն, նկարչություն ուսանելու։ Մյունխենի ակադեմիայում Կանդինսկի աշակերում է Ֆրանց Ֆոն Շտուկին։Վասիլի Կանդինսկին 1893 թ-ին ավար­տել է Մոսկվայի տնտեսագիտության և իրավունքի համալսարանի իրա­վաբանության ֆակուլտետը: Կանդինսկին նկարել է 30 տարեկանից: 1896–1914 թթ-ին ապրել է Գերմանիայում:                                           1901 թ-ին Կանդինսկին հիմնել է «Ֆալանգ» գեղարվեստական հաստատությունը, նաև  դպրոց, որտեղ դասավանդել է: 1900 թ-ից մասնակցել է մոսկո­վյան նկարիչնե­րի խմբակցության «Բուբնովի վալետ» գեղարվեստական հաստատության ցուցահանդեսներին:Կանդինսկին մշակել է գեղանկարչության մեջ գույնի ռիթմիկ օգտագործման նորարարական սկզբունքներ, որոնք աստիճանաբար դուրս են մղել իրական կյանքի ճշմարիտ պատկերները: Նրա գեղարվեստական որոնումները հանգել են «մաքուր» գեղանկարչությանը, «ոգու ինքնաարտահայտմանն ու ինքնազարգացմանը»:                                1911 թ-ին մի շարք էքսպրեսիոնիստ նկա­րիչների հետ Կանդինսկին Մյունխենում ստեղծել է «Կապույտ հեծյալ»  խմբավորումը, բացել իր առաջին ցուցահանդեսը: 1914 թ-ին նկարիչը վերադարձել է Մոսկվա, ստեղծել ռեալիստական և կիսաաբստրակտ գոր­ծեր, հիմնականում՝ բնանկարներ: Կանդինսկին Պետրոգրադի գեղանկարչական մշակույթի թանգարանի և Մոսկվայի գեղարվեստական մշակույթի ինստիտուտի հիմնադիրներից էր,  Ռուսաստանի գեղարվեստական գիտությունների ակադեմիայի փոխնախագահը:                                         1921 թ-ին նկարիչը կրկին ապրել է Գերմանիայում. դասավանդել է «Բաուհաուզ» դպրոցում, մասնակցել է ռուսական արվեստի առաջին ցուցահանդեսին: 1920-ական թվականներին Կանդինսկին աբստ­րակտ արվեստի հանրաճանաչ նկարիչներից էր: 1933 թ-ից, երբ իշխանության գլուխ են ան­ցել նացիոնալ-սոցիալիստները Կանդինսկին հաստատվել է Փարիզում: Վեր­ջին շրջա­նի լավագույն աշխատանքներից են՝ «Կոմպոզիցիա IX», «Երկնակապույտ», «Տարբեր եղելություններ», «Վերջին աքվարելը» և այլն: